Bavarian

Boarisch

Main information

Characteristic

SOV; prepositions; genitives, articles, adjectives, numerals, relatives before noun heads; question word initial; 2 prefixes, 3 to 4 suffixes on a word; word order distinguishes subjects, objects, indirect objects; affixes indicate case of noun phrase; obligatory verb affixes mark person and number of subject, other suffixes can mark gender of subject and person, number, and gender of object; causatives; comparatives; CV, CVC, CVV, CCV.

Audio

Text

Ois meine G’schwister und i no kloa warn, da iss amoi bassiert, dass unser Mama füra boar Wocha ins Krangahaus kemma is. Jetz warma vier kloane Kinder dahoam und mei Bapa ned grad der geborene Hausmo. Mia ham zwar no a Oma ghabt, de wo se ab und zua dabarmt hot, aber wenn unser Bapa in’d Nachtschicht ganga is, dann warer bis Mittog dahoam und hot se um ois kümmert. Vor allem und zu unserm Leid ums Mittogessn! Und so hamma an dene Tog vorgsetzt griagt wos er so kocha kenna hot. Und des war ned die große Auswahl. Wiener und Backerbsnsuppn - Backerbsnsuppn und Wiener. De Wiener warn oiwei aufblatzt und de Backerbsnsuppn matschig. Des war fei scho a Graus. Uns hots an Mogn scho umdraht, wemma die Tür aufgmocht hom und der Geruch vo de Wiener im Flur gstandn is. Mei, hamm mia unser Mama vermisst. Und wei unser Bapa ned dauernd de Oma um ihr Hilfe bittn woit, hot er gschaut, dass er des meiste selber mocht. Sogar vorm Wäschwaschn hot er ned hoit gmacht, obwoi er bis dahin de Waschmaschin vielleicht grad amoi zum Richten oglangt hot. So san de Tog verganga und unser Wäsch is derweil immer bunter worn. Nix weiss hamma mehr ghabt, wei mei Bapa ois mitanand gwaschn hot. Unsre Kniastrümpf warn rosa, gelb und blau. Des aloa wär ja ned so schlimm gwesn, aber die wo zamghört ham, de ham unterschiedliche Farbn ghabt, weil’s ned in der gleichen Wäsch warn. Rumglaffa samma wia die Kasperl, aber es hot ja nix ghoiffa, mia hamm ja wos oziagn miassn ind Schui