Udmurt

Удмурт кыл

Main information

Characteristic

Audio

Text

Улэм-вылэм Кечпи. Солэн нимыз Тимош вылэм. Одӥг пол Тимош уллёысьтыз люкиськыса кылем, бертоно сюрессэ утчам-утчам но шедьтымтэ. Кӧтыз сюмамен, вож турын сиыны кутскем. Сиыкуз солы кион ӝимем.

- Кечпие, мон тонэ сиё ини.

- Эн си али, эн си, мон ӧжытак куаё на.

Кион кылзӥськем но кошкем. Ог кӧня ке вакыт ортчем бере, кион нош ик лыктэм

- Куайид-а ини, кечпие. Ой, табере сиё.

- Дугды ай, дугды. Тон гурезь улэ султы, мон гурезь вылысен бызьыса, шонерак ымад пыро.

- Озьы-а, зол малпамед.

Визьтэм кион кылзӥськоно кожам, гурезь улэ султэм. Кечпи гурезь йылэ тубем, кужмысьтыз ворттыса мынонъяз, кионэз йыг! лекам. Кион питырскыса кошкем.

Кема кыллем кулэм кадь луыса. Султэм бераз малпа, пе:

- Сии меда, ӧй меда со йӧнтэм кечпиез